[You must be registered and logged in to see this image.]

Basescu nis bisedimet për krijimin e qeverisë

Në Rumani presidenti i rizgjedhur, Traian Basescu, ka nisur bisedimet për krijimin e një qeverie të re.
Ai pritet të caktojë që sot një kandidat për postin e kryeministrit, për t'i dhënë kështu fund paralizës politike në vendin e goditur rëndë nga kriza financiare.

Rumania prej javësh tashmë nuk ka një qeveri në funksionim të plotë pasi kampet rivale bllokojnë punën e njëri-tjetrit.

Që prej dështimit të koalicionit të madh mes partisë liberal-demokrate të Basescut me socialdemokratët disa javë më parë, vendi drejtohet nga një kabinet i përkohshëm.

Për shkak të krizës qeveritare FMN-ja ka bllokuar edhe një kredi prej 1,5 miliardë eurosh. /DW/