[You must be registered and logged in to see this image.]

Virusi A/H1N1 në Shqipëri, vdes e reja shtatzënë

Vdes si pasojë e virusit A/H1N1 18 vjeçarja shtatzënë duke çuar në 5 numrin e viktimave të këtij gripi në Shqipëri.
Instituti i Shëndetit Publik konfirmoi të mërkurën vdekjen si pasojë e prekjes nga virusi i rëndë të 18 vjeçares shtatzënë e cila prej gjashtë ditësh ishte shtruar në spitalin infektiv në QSUT dhe mbahej në repartin e terapisë intensive.

I kontaktuar në telefon nga News24, drejtori i Përgjithshëm në Ministrinë e Shëndetësisë, Pëllumb Pipero bën të ditur se 18 vjeçarja ka gjetur vdekjen rreth orës 16:00 ndërsa ishte në muajin e tetë të shtatzënisë.

“Ishte në muajin e 8 të shtatzënisë, një infeksion nga gripi tek kjo grua nuk u përballua dot me gjithë ndërhyrjen e specializuar” theksoi Pipero.

Ndërsa bën thirrje për kujdes ndaj higjienës personale, Pipero thekson se situata e gripit pandemik është nën kontroll dhe vala e infeksionit ka pësuar rënie.

Sipas informacioneve të ISHP deri më sot regjistrohen 334 të prekur nga gripi i derrit ku mosha mesatare e rasteve të prekura është 23 vjeç. Sipas ISHP deri sot në këtë Institut janë marrë 2357 mostra të grupmoshave 15-24 vjec. /Balkanweb/