Izraeli përgatitet për ulje të tensionit me Hamasin

Kryeministri izraelit, Benjamin Netanyahu ka ftuar një ndërmjetës të lartë egjiptian në Jerusalem të dielën, duke ngritur spekulimet se Izraeli po përgatitet t’i japë përgjigjen e fundit grupit militant Hamas lidhur me marrëveshjen për shkëmbim të të burgosurve.

Egjipti dhe Gjermania po përpiqen të ndërmjetësojnë shkëmbimin e të burgosurve, ku do të lirohej ushtari izraelit që mbahet nga Hamasi, Gilad Shalit, në këmbim të lirimit të rreth 1 000 palestinezëve, të cilët mbahen të burgosur nëpër burgjet izraelite.
Lirimi i Shalitit, që u morr peng nga Hamasi në afërsi në kufirit me Rripin e Gazës më shumë se tre vjet më parë, ka qene prioritet politik i Netanjahut, ashtu siç ishte edhe për qeverinë para tij të Ehud Olmertit.
Një shkëmbim i mundshëm do të jetë një shenjë e parë e rëndësishme për shkrirjen e tensioneve mes Izraelit dhe Hamasit, që kur Izraeli ndërmori ofensivën ushtarake më 27 dhjetor dhe kur u vranë të paktën 1 000 palestinezë nga Gaza dhe 13 izraelitë, gjatë konfliktit të rëndë trejavor.
OKB dhe fuqitë perëndimore shpresojnë se shkëmbimi i suksesshëm do të hapë rrugën për lehtësimin e bllokadës së Gazës, ku 1.5 milionë palestinezë varen nga ndihmat në ushqim dhe mallrat kontrabandë për mbijetesën e përditshme.

shoqatarealiteti.net