Steven Spielberg është bashkuar me autorin e ‘Billy Elliott’, Lee Hall, për të transferuar në ekranin e madh një novelë mbi Luftën e Dytë Botërore.
Ikona e Hollywoodit ka blerë të drejtat e librit të Michael Morpurgo të vitit 1982 “Warhorse”, që tregon një lidhje në mes të një djaloshi dhe kalit të tij në sfond të luftës.

Spielberg ka angazhuar Hall për të adaptuar librin për skenar filmik dhe ai do të jetë producent i projektit. Ende nuk dihet nëse ai vet do ta realizojë edhe regjinë.

“Nga momenti që e lexova librin, e dija se ky ishte filmi të cilin doja ta bëj. Zemra e librit dhe mesazhi që jep tregon se kjo ngjarje mund të ndjehet në çdo vend”, ka thënë Spielberg.