Shenjat e para të bashkëpunimit në mes të Chrysler e Fiat kanë filluar të shfaqen. Mediat amerikane raportojnë se italianët planifikojnë që limuzinën e vet të re të klasës së lartë ta ndërtojnë në fabrikat amerikane të Chrysler.
Supozohet se Alfa Romeo do të duhej të shfrytëzojë fabrikat e Chrysler në Ontario, ku do të ndërtohet edhe modeli i ri 300C në mënyrë që në platformë të tij të përpunojnë trashëguesin e modelit 166 – atë 169.

Milanezët moti e kanë konfirmuar boshtin e pasmë si një prej karakteristikave kryesore të modelit të ri 169, e arkitektura e 300C do të mund të shërbente si bazë posaçërisht kur merret parasysh se italianët nuk kanë qenë të suksesshëm në gjetjen e ndonjë partneri të duhur në Evropën Perëndimore.