Nëse keni filluar të ndjeni "fikjen" e pamjes suaj, disa rrudha që shtohen bashkë me shqetësimet dhe humbje të shkëlqimit të fytyrës e flokëve, mos u shqetësoni.
Thjesht, jeni harruar pas aktiviteteve të përditshme e nuk i keni falur vetes kohën për të cilën keni nevojë. Duhet të kini parasysh
që pushimi dhe qetësimi juaj i brendshëm mendor e shpirtëror ndikon shumë dhe në pjesën tuaj të jashtme, duke ju bërë të
dukeni shumë më të lodhur dhe të mplakur. Këtu do të gjeni këshilla të vlefshme, që nga trajtimi i duarve, flokëve, fytyrës, të cilat do t'ju mësojnë sesi ta rifitoni freskinë që keni humbur.
Rregulloni orarin e gjumit
Shkoni në shtrat 15 minuta më herët se zakonisht për 4 net me radhë, kurse në mëngjes zgjohuni 20 minuta më herët. Shijojini këto momente të lira pa bërë asgjë, kështu rregulloni ekuilibrat
që ju bëjnë të ndiheni të lodhur në mbrëmje. Flini përsëri dhe zgjohuni në orarin e ri që keni vendosur.
Shkarkoni tensionin e ditës
Bëni banjë 1 orë para se të shkoni në shtrat. Pa dyshim që do të ndiheni të qetësuar. Çlodhja e trupit në temperaturën e ujit do ju ndihmojë të bëni gjumë të rehatshëm.
Kushtojini shumë vëmendje qafës, është e rëndësishme
Rrudhat e qafës janë një problem shqetësues për shumë femra. Ato janë të prirura t'ju tradhtojnë edhe më shpejt se rrudhat e fytyrës. Përdorni kremrat e duhur për t'u dukur më e re.
Trajtimi më i mirë është kremi parandalues për mbrojtje nga dielli, me të cilin duhet të lyejeni çdo ditë.
Nuk është e nevojshme të blini krem specifik për qafën, nëse ai i fytyrës është i duhuri, përdoreni dhe në pjesën tjetër.
Flokët e bukur ju rinojnë
Me kalimin e viteve flokët e humbin bukurinë, ashtu si fytyra dhe lëkura juaj. Lajini ato me shampon e duhur, e cila rrit volumin e tyre dhe më pas trajtojini me një krem zbutës që ta lehtëson krehjen.
Kujdes!
Nëse doni të keni flokë sa më të drejta, krehja duhet të fillohet
nga majat, asnjëherë nga rrënjët. Më pas thajeni flokun tuaj pjesë-pjesë; vendosni pjesën e sipërme në piastër dhe tërhiqeni lehtë drejt fytyrës.
Kështu bëni dhe me pjesët e tjera. Pasi të keni mbaruar, uleni kokën poshtë, shkundini flokët, duke kaluar gishtat ndërmjet tyre.
Kujdesuni për duart
Duart ju tregojnë më të re, nëse i trajtoni ato. Bi-zhutë fine që kombinojnë me veshjen, thonjtë e lyer, qoftë edhe me një shkëlqyes, i tregojnë më të bukura duart tuaja. Duart mund ta tregojnë moshën tuaj më shumë se fytyra.
Trajtojini ato me krem çdo ditë. Lyejini gishtat me ngjyra që ju tregojnë më të re, jo të ngarkuara, jo ngjyra të errëta apo të ndezura.
E kuqja e lehtë, e portokalltë duket bukur në thonjtë e shkurtër. Mos e ngatërroni me të kuqen e zënë e të ndezur. Do të dukeni
shumë bukur, nëse i lyeni me rozë të ëmbël ose thjesht shkëlqyes, për të qenë natyralë.
Rrëmbejini një orë aktivitetit tuaj të përditshëm për të pushuar
Kjo praktikë quhet bukuria e pushimit. Nëse kryeni një aktivitet të lodhshëm çdo ditë dhe jeni mësuar të flini pak, mos u lodhni kot të gjeni arsyet se pse poshtë syve keni rrathë të zinj. Shumë shpejt ata do ta pasqyrojnë më tepër stresin dhe lëkura juaj do
humbasë shkëlqimin.
