Laptopi i5 nga Asus
Njëra prej zemrave të laptopit të Asus për lojtarë do të jetë procesori Core i5-430M, e tjetra Radeon HD 5730.
Asus po bëhet gati të zbulojë laptopin e vet të ri për lojtarë X77, të pajisur me procesorin Core i5-430M. Kartela grafike do të jetë Radeon HD 5730, e cila me siguri do të shfrytëzojë memorien DDR3 në vend të GDDR5, të cilën e shfrytëzojnë kartelat grafike 5750 e 5770.

Ekrani ka diagonale prej 17.3 inç, rezolucioni është 1600 x 900 piksela, e ndriçimi i prapavijës është i llojit LED. Në të janë edhe katër gigabajt të memories punuese, dy disqe prej 500 gigabajt, dhe konektorët eSATA e HDMI.

Në treg do të duhej të paraqitej kah mesi i muajit të ardhshëm. Tani për tani, çmimi nuk është i njohur, por do të duhej ë sillej rreth 1.000 euro për njësi.