Muslimanët kërkojnë barazi nga Kancelarja Merkel

Gjersa Kancelarja Merkel është duke negociuar për një koalicion të ri pas fitores së zgjedhjeve për një afat të dytë katër vjeçar muslimanët janë duke shpresuar për një trajtim të barabartë nga qeveria e saj e re.

"Ne duam që Kancelarja Merkel dhe qeveria e saj e re të na dhënë drejtësi," thotë Nadim Elias, shef i Këshillit të Lartë të muslimanëve në Gjermani për Islamonline.

"Ne dëshirojmë të mendojmë se është një qeveri për të gjithë njerëzit pa marrë parasysh dallimet etnike, fetare dhe kulturore.
Të gjithë duhet të ndjejnë se interesat e tyre janë duke u mbrojtur nga qeveria."

Zonja Merkel, 55 vjeçare siguroi edhe një mandat katër vjeçar pasi partia e saj Kristian Demokrate dhe Bashkimi Social Kristian fituan 33.8% të votave.

"Duam mundësi të njëjta për punësim," thotë Ibrahim el Zajat drejtor i Kuvendit Islam në Gjermani., duke argumentuar se disa punë nuk mund të arrihen nga muslimanët ose për shkak të mos kualifikimit të nevojshëm ose për shkak të racizmit ndaj tyre."

Ai tha se qeveria duhet të japë më shumë vëmendje për punësimin e muslimanëve, në veçanti në institucionet shtetërore.

Janë më shumë se 4 milion musliman në Gjermani, përfshirë aty 220.000 vetëm ne Berlin.

"Muslimanët nuk duhet të shikohen si një kërcenim për vendin apo një burim destabiliteti," tha Elias nga Këshilli i Lartë Musliman në Gjermani.

"Qeveria nuk duhet të përqendrohet vetëm ne miratimin e ligjeve që kufizojnë të drejtat e muslimanëve dhe ti shkelin i ato."

"Gjithashtu dëshirojmë qe qeveria të merret me Islamin njëjtë si me besimet tjera siç janë Krishterimi dhe Judaizmi," tha Zajat.

"Qeveria duhet që ta njohë Islamin si fe zyrtare, duke lejuar qe Islami të mësohet në shkolla dhe të lejohet transmetimi Islam ne media.

Gjithashtu edhe ndërtimi i xhamive është bërë i vështirë në Gjermani dhe shumë vende evropiane gjatë viteve të fundit për shkak të fushatave të partive te djathta.

Qeveria e re duhet të inkurajojë komunat për lehtësimin e dhënieve të lejeve për ndërtime të reja.
__________________