Netanyahu thërret për embargo ndaj Iranit

--------------------------------------------------------------------------------

Tel Aviv, 23 shkurt – Kryeministri izraelit Benjamin Netanyahu bëri thirrje për embargo në sektorin energjetik të Iranit, duke theksuar se Këshilli i Sigurimit i OKB-së duhet shmangur.
Netanyahu u tha liderëve të huaj hebrenj se nëse bota mendon seriozisht të ndalojë Iranin, atëherë ajo që duhet ndërmarrë nuk janë sanksione të moderuara, por efikase, sanksione të ashpra që do të ndalojnë importin dhe eksportin e naftës nga ky vend, raporton Reuters.
Irani është eksportuesi i pestë në botës i naftës dhe ky vend thotë se po pasuron uraniumin për qëllime paqësore, ndërsa Izraeli thekson se synimi është prodhimi i armëve bërthamore.
Për shkak të retorikës së ashpër anti-izraelite të Teheranit dhe kërcënimit me veprim ushtarak të Izraelit, ekziston frika për një luftë rajonale.
Megjithatë, Netanyahu në fjalimin e tij nuk përmendi mundësinë që Izraeli të tentojë të sulmojë centralet bërthamore.
Izraeli e konsideron Iranin si kërcënimin më të madh për ekzistencën e tij, pasi që presidentin iranian Mahmoud Ahmedinexhad ka bërë thirrje për fshirjen e Izraelit nga harta e botës