Automjeti anije konfiskohet nga rojet bregdetare
Dy italianë kanë përshtatur një automjet për të lundruar në ujë, mirëpo kjo nuk u ka lënë përshtypje rojeve të bregut të cilët i kanë dënuar ata me disa qindra euro.

Marco Amoretti dhe Marcolino De Candia e kanë shndërruar një Maserati në një ‘automjet deti’ për të ecur në bregdetin Forte dei Marmi dhe për të lundruar kohë pas kohë.

Mirëpo, dy 50 vjeçarët janë kapur nga rojet bregdetare në momentin kur kishin shkuar të blinin ushqim në një restorant.

Ata janë dënuar me disa qindra euro dhe iu është konfiskuar ‘automjeti anije’ me emrin Miriam, pasi që nuk i kishin dokumentet e duhura dhe pajisjet e sigurisë për të lundruar në ujërat italianë.

“Ne nuk shkuam shumë larg dhe ishim duke e testuar për të bërë një udhëtim rreth Italisë. Isha vërtet i befasuar që rojet bregdetare e bënë shumë të madhe këtë punë”, ka thënë Amoretti.