[You must be registered and logged in to see this link.]Rooney shënoi golin e 26-të në kampionatin anglez dhe njëherësh ka qenë me meritori për fitoren 2:1 te Manchester Unitedit kundër Liverpoolit.
Kampioni në fuqi, Manchester Unitedi, arriti të fitoi superderbin e premierligës me rezultat 2:1 kundër skuadrës së Liverpoolit, në ndeshjen e javës së 31-të. Manchester Unitedi konfirmoi se është kandidati kryesor për të mbrojtur titullin e kampionit.
Rooney edhe kësaj here si në ndeshjet të tjera është përkujdesur për gola. Ai dëshmoi mjeshtrit e një futbollistit të rrallë dhe lirisht mund thuhet se të gjitha rezultatet e Manchester gjatë këtij kampionatit lidhen me Rooneyn. Liverpooli i pari ka qenë që ka shënuar gol në Old Trafford. Kuyt asistoi ndërsa Torres nuk fali Manchester Unitedin dhe rezultati 0:1. Goli i hershëm në asnjë mënyrë nuk ka demoralizuar lojën e kampionit, përkundrazi iu ka dhënë motiv për lojë të hapur ashtu si dinë kampioni.
Në minutën e 12-të, sulmuesi më i spikatur, Rooney, barazoi shifrat 1:1. Ky ishte edhe goli i 26-të në kampionatin anglez për këtë futbollist të shkathët dhe që po fut vazhdimisht panik te skuadrat rivale. Pjesa e parë e ndeshjes përfundoi me rezultat baras, 1:1.
Në pjesën e dytë, djelmoshat e Fergusonit gjithsesi e donin fitoren, e cila iu hap rrugët për ta mbrojtur titullin e kampionit dhe njëherësh i mban në kreun e tabelës së klasifikimit. Futbollisti Park në minutën e 60-të shënon për rezultatin 2:1 dhe me të cilën edhe përfundon takimi. Manchester Unitedi kryeson tabelën me 69 pikë të tubuara, ndërsa Liverpooli është në vendin e gjashtë me 51 pikë.