[You must be registered and logged in to see this image.] Një qift bashkëshortor serb u gjet i vdekur në shtëpinë e tyre në Gracanicë, njoftoi policia....
Mashkulli ishte pjesëtar i Policisë së Kosovës dhe dyshohet se me armën zyrtare ka vrarë gruan e pastaj edhe veten.
Si pasojë e plagëve të marra nga arma e zjarrit ka humbur jetën viktima B.Petrovic (femër) 35 vjeç si dhe S.Petrovic (mashkull) 37 vjeç. Vdekja e viktimave është konfirmuar në vendin e ngjarjes nga ana e ekipit mjekësor.
Strukturat rajonale për hetimin e krimit me një intensitet të shtuar menjëherë kanë filluar ndërmarrjen e një varg veprimesh operative e hetimore, në përpjekje për të ndriçuar dhe sqaruar të gjitha rrethanat që kanë të bëjnë me rastin.
Mbështetur në rezultatet e para të grupit hetimor që po zhvillon hetimet lidhur me rastin në fjalë, dyshohet se e gjithë kjo ka ardhur si shkak i mosmarrëveshjeve bashkëshortore që qifti ka pasur mes vete me ç’rast i dyshuari S. Petrovic (njëherësh pjesëtarë i Policisë së Kosovës) pasi që ka vrarë me armë zjarri (revolen zyrtare) bashkëshorten e tij me të njëjtën armë dhe në të njëjtin vend ka vrarë edhe veten.
Aktualisht hetuesit rajonal po bëjnë një punë intensive hetimore për të nxjerrë motivet si dhe për të ndriçuar dhe sqaruar të gjitha rrethanat që kanë sjellë deri te kjo ngjarje tragjike, thuhet në komunikatën e policisë[url=http://rtklive.com/new/?cid=1&newsId=37271&mf23m0#m)U&n7fwdwIH-83S3d83x51wCw1JS@TDi3!0e~Z-Bw^22fc x7s/8z^47ws^tEe1ML71pr7kQS1tH8IPR808l9izcS!Y6][/url]
