Kujdesuni për ata që Konvertohen në Islam (Pranojnë Islamin)
Me Emrin e All-llahut, Mëshiruesit Mëshirëbërësit
As Salamu Aleikum Ve Rahmetullahi Ve Berektehu
Paqja dhe Mëshira e All-llahut xh.sh., qoftë mbi Muhammedin s.a.v.s., dhe mbi të gjithë pasuesit e tij deri në Ditën e Gjykimit.
Konvertimi apo Pranimi i Islamit nga njerëzit që deri në këtë kohë ishin me përkatësi tjetër fetare, është një proces shumë i rrezikshëm por po aq edhe i këndshëm e i gëzuar për Muslimanët. Arsyet pse konvertimet janë të rrezikshme është se ai/ajo që konvertohet në Islam nuk ka dhe aq shumë njohuri mbi Islamin, ndërsa ne e dijmë që Islami është fe shumë e qartë por disa njerëz mundohen ta shtrembërojnë atë, pra duhet që të kenë kujdes ata që pranojnë Islamin që të mos bien në duart e këtyre njerëzve që i thonë vetes Musliman pa pikën e arsyes, sepse një njëri që sjell risi në fe (bidat) nuk është Musliman poashtu një njëri i cili nxit për Terrorizëm nuk është Musliman. Pasiqë Islami e ndalon bidatin, terrorizmin, Atolerancë, Urrejtjen etj. Islami është vendi ku cdo njëri mund t'a gjej veten mbrenda në të, andaj ne atyre që mundohen të gjejnë veten në Islam duhet t'ua lehtësojmë punën, duke i treguar së pari për Kur'anin për arsye që ata të evitojnë ndonjë devijim të mundshëm, t'i tregojmë për Sunnetin e Muhammedit s.a.v.s., veprat dhe moralet e tij. Nëse ai/ajo që pranon Islamin atëherë ai apo ajo menjëherë duhet t'i referohet Kur'anit dhe Sunnetit e më pas të hyj e të dialogoj me njerëz që pretendojnë se janë Musliman. Pra ata/ato që konvertohen në Islam duhen të kenë kujdes nga njerëzit të cilët nuk ia duan të mirën Islamit, e si mund të jemi të kujdes'shëm, kujdesi mund të shtohet poashtu dhe siguria nëse zbatohen këto këshilla:
1.) Leximi i Kur'anit menjëherë mbas konvertimit (pranimit) të Islamit
2.) Pasimi i Sunnetit në përpikmëri
3.) Largimi nga njerëzit e dyshimtë (ata që duken se po bëjnë gabime gjatë riteve Islame)
4.) Forcimi i Imanit
5.) Leximi i librave të cilët nga shumica e dijetarëve cilësohen si të saktë
dhe
6.) Qëndrimi me njerëz të cilët kanë njohuri të mëdha mbi Islamin
Pra këto janë kryesoret (mendoj unë) sepse një Musliman i mirfilltë do të dij të dalloj një Musliman nga një PseudoMusliman, sepse Muslimani vepron simbas Kur'anit ndërsa PseudoMuslimani jo, sepse Muslimani e pason Sunnetin me përpikmëri ndërsa PseudoMuslimani jo.
Pra largojuni atyre që sjellin bidate në fenë tuaj të pastër (Islamin), largojuni atyre që nuk ia duan të mirën Islamit, largojuni atyre që nxisin për gabime, largojuni atyre që e duan Terrorizmin e jo Paqen, largojuni atyre të cilët as në namaz nuk janë të njejtë me Muslimanët e Devtoshëm.
Dhe po e përmbyll me një hadith i cili është shumë i qartë, shumë i bukur dhe me të vërtetë shumë i vlefshëm:
Transmetohet nga nëna e besimtarëve Ummi Seleme Hind bint Ebi Umejje Hudhejfe r. anha se Pejgamberi s.a.v.s. ka thënë: "Me të vërtetë do t'ju imponohen disa sundues e ju do t'i lejoni disa veprime të tyre e disa nuk do t'i lejoni. Kush e urren (të keqen) me zemër është pastruar prej mëkatit, kush e gjykon (refuzon) me gjuhë, është siguruar nga mëkati, ndërsa kush pëlqehet dhe i ndjek";... as-habët thanë: "O i Dërguari i All-llahut, a nuk duhet të luftojmë kundër tyre?" Tha: "Jo, përderisa falin namaz me ju".
As Salamu Aleikum Ve Rahmetullahi Ve Berektehu