Sean Penn është urdhëruar që t’i nënshtrohet këshillimit për kontrollimin e zemërimit, është detyruar të punojë në shërbim të shoqërisë dhe ka marrë tre vite me kusht pas një dëgjimi në gjykatë të mërkurën.
Aktori 49-vjeçar nuk ishte i pranishëm në gjykatë, kur mori dënimin që të shkojë 36 orë në terapi, të shërbejë 300 orë punë për shoqërinë dhe të lirohet tre vjet me kusht, për shkak të një sulmi që ka bërë ndaj një fotografi vitin e kaluar.

Yllit të filmit “Milk” i është lejuar që ta përfundojë punën e tij ndaj shoqërisë me anë të angazhimit të tij bamirës në Haiti që aktualisht është duke vepruar.

Avokati i Penn, Richard Hirsch, ka thënë se aktori ka pranuar dënimin dhe do të vazhdojë tutje ta respektojë atë.