Njëri ndër personazhet më të përfolur në “Big Brother Albania 3”, Erioni, ka thënë për Shekulli, se atij i ka pëlqyer Bertina që në shikim të parë, ndërsa ia ka bërë të qartë Oltës se e ka vetëm shoqe, duke shtuar se Olta e shfrytëzoi atë për lojë.
“Unë Oltës i kam thënë që ti për mua je shoqja ime. Kam pasur shoqëri dhe respekt për Oltën, pasi njihja babanë dhe vëllanë e saj. Bertinën e kam s’kualifikuar, por në momentin që unë kam ikur e kam marr me Xhimin tek zona e tunelit, kur ka ardhur, aty jam habitur me atë flokun kaçurrela, me atë hundën e vogël, kishte një shkëlqim... me atë pelushin e bardhë, më dukej shumë e ëmbël dhe realisht më pëlqeu që në fillim”.

“Vazhdojmë të jemi bashkë. Dhe i kisha thënë dhe brenda që ne do flasim jashtë. Brenda shtëpisë, situatat janë shumë të vështira për t’u kuptuar dhe për t’u administruar, ndërkohë jashtë është shumë më ndryshe. Vetë fakti që atje je 24 orë me një person, do s'do, do kapesh me një grimcë të vogël, ndërkohë jashtë ke më shumë hapësirë për t'u marrë me shumë gjëra. Kem folur me Bertinën, jemi sqaruar dhe kemi thënë ajo është pjesa e lojës, ngelet te loja, jeta jonë reale është këtu jashtë dhe ne jemi bashkë e jemi shumë mirë”, deklaroi Erioni.

Në pyetjen se çfarë kanë të përbashkët ai dhe Bertina, Erioni u përgjigj se thjeshtësia është tipari që i bashkon.