Gentiana Ismaili thotë se aktualisht nuk ka kohë që t’i përkushtohet një lidhjeje dashurie, duke qenë se është e përqendruar vetëm në punë.
Këngëtarja kosovare së fundmi ka kaluar gjashtë muaj në Tiranë për të marrë pjesë në spektaklin “Dancing with the Stars”, ndërsa e pyetur nga Kosova Sot nëse i është vardisur ndonjë djalë, ajo thotë: “Natyrisht se oferta kam pasur, mirëpo tani jam e përqendruar vetëm në punë dhe nuk më intereson asnjë djalë”

Genta ishte më e pëlqyera nga publiku në garën “Dancing with the Stars”, mirëpo ajo nuk u kurorëzua me çmimin e parë. Ndërsa këngëtarja thotë se edhe pse nuk u plotësua dëshira e publikut, ajo është e kënaqur që mori pjesë në këtë garë për të treguar aftësitë e saj.

Sa i përket projekteve muzikore, Genta bën të ditur se është duke përgatitur tri këngë të reja, ndërsa njërës prej tyre do t’ia realizojë edhe videoklipin.