Legjenda e muzikës rok, Sir Paul McCartney, është ‘tronditur’ pasi një grup gangsterësh kanë sulmuar autobusin e tij të turneut.
67-vjeçari është shpëtuar nga policët në Meksikë, pasi një grup të rinjsh e kanë rrethuar automjetin dhe kanë kërcyer mbi çatinë e tij pas koncertit të zhvilluar në stadiumin Foro Sol në Mexico City.

“Së pari sigurimi i tij mendoi se janë vetëm një grup fansash, por kur njerëzit filluan të ngjiten mbi autobus, situata ndryshoi në moment. Paul dhe ekipi janë të tronditur”, ka thënë burimi.

Sipas burimeve, personat problematik janë larguar nga skena sapo kanë dëgjuar sirenat e policisë.