Ish-ylli i American Idol, Carrie Underwood, ka fituar dy trofe në ndarjen e sivjetme të çmimeve Country Music Television Awards.
Këngëtarja fitoi çmimin ‘videoja më e mirë e vitit’ për klipin “Cowboy Casanova” dhe po ashtu edhe çmimin ‘performaca e vitit’ për “Temporary Home”.

Keith Urban çoi në shtëpi çmimin për ‘videon e vitit’ të realizuar nga mashkull për këngën e tij “Til Summer Comes Around”, derisa Miranda Lambert me “White Liar” fitoi’ videon më të mirë’ të realizuar nga një femër.

Çmimet, të cilat u shpërndanë në Bridgestone Arena në Nashville, SHBA, ishin votuar nga fansat.