Nicole Scherzinger thotë se i dashuri i saj Lewis Hamilton mendon se këngëtarja është një shofere e keqe dhe ka frikë që të hyjë në veturë me të.
Liderja e grupit “Pussycat Dolls”, e cila është ribashkuar me ngasësin e McLarenit, pranon se ajo injoron këshillat e të dashurit të saj kur është prapa timonit, duke e lënë atë të shqetësuar kur ajo vozit me shpejtësi të madhe.

“Ai është më i frikësuar kur është me mua dhe unë vozis, sesa kur gjendet në një garë (të Formula 1). Ai më jep këshilla, por në fund më thotë: ‘Zemër, ti po vozit me gjunjë!’ Unë bëj makijazh, ndërroj radion. Mendoj se përshtatet kënga të cilën sapo e kam bërë me Slashin dhe Alice Cooperin, me titull ‘Baby Can't Drive’”, ka treguar Scherzinger.