O+(NxS)+Cpm/T+He! E dini se çfarë është
kjo? Është pikërisht formula e lumturisë, e përllogaritur nga një
ish-docent i Universitetit të Cardiffit.

Në të
përmblidhen idetë për ditët më të gjata, për lulet që çelin, për
sigurinë se pushimet po vijnë, për kujtimet e bukura të fëmijërisë që
kanë lidhje me verën...

Të gjitha këto ndjesi arrijnë pikun të
premten e tretë të muajit qershor, e cila konsiderohet si dita më e
lumtur e vitit.

E megjithatë shumë njerëz kujtojnë se do të jenë
më të lumtur nëse do të fitojnë më shumë!

"Shoqëria jonë po
bëhet shumë materialiste me persona të cilët në vend që të pyesin veten
se sa janë të lumtur, pyesin se sa duhet të fitojnë për të qenë të
lumtur. Këshilla më e mirë që mund të jap është që njerëzit duhet të
punojnë më pak dhe të kalojnë më shumë kohë me ata që i duan, sepse kjo
na bën me të vërtetë shumë të lumtur", thotë profesor Cliff Arnall për
"Daily Express".