[You must be registered and logged in to see this image.]

Ylli i Anglisë, Wayne Rooney dëshiron të
takohet me Gjermaninë dhe t’i mund ata qysh në të tetën e finales.

Rooney ka reaguar kështu ndaj luftës me fjalë kundër dy prej
rivalëve më të mëdhenj në Botërorin e Afrikës së Jugut.

Ai
është takuar me një gazetar gjerman gjatë seancës stërvitore të Anglisë
dhe i ka thënë se ka dëshirë që të takohet me gjermanët qysh në të
tetën e finales.

“Natyrisht. Është kënaqësi t’i mundësh ata”, i
ka thënë Rooney gazetarit duke qeshur.
Rooney po ashtu ka
përqeshur legjendën gjermane Franz Beckenbauer, i cili akuzoi Fabio
Capellon që futbollistët e tij nuk janë dukur mirë në fushë.


“Nuk dyshoj aty. Ne e dimë si luajmë dhe ne jo vetëm që godasim, por
edhe vrapojmë”, tha ai.

Rooney kritikoi kryelartësinë e
gjermanëve, të cilët paraqiten arrogantë pas fitores ndaj Australisë 4
me 0.

“Krejt kjo varet se si e përfundon turneun dhe jo si e
fillon. Në fund ne do të fitojmë edhe në grupin tonë”, tha Rooney.