Valltarja e klubeve e cila kishte thënë se kishte shkuar në shtrat me aktorin Josh Duhamel i ka kërkuar falje publikisht gruas së tij, këngëtares Fergie.
Nicole Forrestere kishte shitur tregimin e saj te revista National Enquirer dhe që atëherë ka dominuar lajmet kryesore në mediat e showbizit, për përvojën e saj të paharruar të vetëm një nate me aktorin, të cilën gjë edhe Duhamel edhe Fergie e kanë mohuar.

Valltarja thotë se ajo qëndron prapa tregimit të saj, por se ndjen keqardhje që ka dalë publikisht dhe ka shkaktuar shumë përçarje në çiftin e porsamartuar.

“Më vjen keq... kam menduar se ‘Askush nuk do të lëndohet’. Më vjen keq që nuk e kam menduar këtë që mendoj tash”, ka thënë striptizerja.

Ajo ka thënë se publikimi ka qenë negativ edhe për të dhe jo vetëm për çiftin e famshëm. “Djali im shkoi në një ndeshje futbolli gjatë të shtunës së kaluar dhe më tha, ‘Nënë, je e tmerrshme. Nuk e kam ditur se ke bërë seks me të’,”, ka shtuar Ferrestere