Një tufë flokësh të prera nga koka e Napoleon Bonapartës mëngjesin e ditës së vdekjes së tij, është shitur në një ankand në Zelandën e Re për 13 mijë euro.

Blerës është një koleksionist londinez, i cili ka dashur të mbetet anonim. Ballukja kishte tërhequr vëmendjen e shumë shtëpive ankandesh në Zelandën e Re, Lituani, Britani, Hong Kong, SHBA dhe Francë. Flokët bënin pjesë në koleksionin e 40 objekteve të lidhura me Napoleonin që arrijnë vlerën 100 mijë dollarë.

Mes tyre ndodhet edhe ditari i një gardiani në burgun ku u mbyll ish perandori, i cili kujton fragmente nga bisedat më ish njeriun më të fuqishëm të Francës. Ky ditar u shit për 6 600 dollarë.