Ish-anëtarja e Spice Girls, Victoria Beckham, është këshilluar nga Dane Bowers, me të cilin ajo kishte bashkëpunuar në singlin “Out of Your Mind”, të mos i rikthehet muzikës, pasi puna e saj si dizenjatore është më e mirë se talenti i saj për muzikë.
“Mendoj se ajo duhet të qëndrojë e lidhur me dizajnin e modës, por ajo mbase duhet t’ia thotë vetvetes. Moda është e ardhmja e saj”, ka thënë Dane.

Megjithatë, 31-vjeçari ka thënë se Victoria ka më shumë aftësi vokale se sa i jepen. “Ajo është personi i parë që ka thënë se nuk është Mariah Carey por mund ta mbajë vijën melodike. Nuk mund t’ia dilni aq sa arritën Spice Girls nëse nuk mund të këndoni”, ka shtuar më tej Dane.