Londër, 4 korrik - Një skoceze 22-vjeçare gati sa nuk ka humbur jetën, pasi që nuk e lëshoi çantën, të cilën dëshironin t’ia merrnin hajdutët.

Vajza po shëtiste nëpër rrugë, kur tre djem, që ishin në një veturë të parkuar, filluan t’i afrohen.

Sa u afruan, njëri prej tyre i mori çantën e shtrenjtë “Lui Vuitton”, ndërsa vozitësi shkeli gazin. Megjithatë, vajza vazhdoi ta mbaj me forcë çantën dhe automobili filloi ta tërheq nëpër asfalt.

Për fat, hajduti që e kishte kapur çantën hoqi dorë, dhe vajza mori vetëm disa gërvishtje të vogla dhe pas ndihmës së dhënë u lirua nga spitali.

“Çanta ishte e shtrenjtë, por nuk jam i sigurt se për shkak të saj ia vlente rrezikimi i jetës”, tha polici, i cili doli në vendngjarje.