Menaxhmenti i kompanisë së taksive në
qytetin vietnamez, Ho Chi Minh, njoftoi se një vozitës i tyre ka gjetur
në pjesën e pasme të automobilit një çantë të harruar nga një klient,
në të cilën gjendeshin 26 500 dollarë.

Përveç
parave në tri valuta të ndryshme, në çantë gjendeshin edhe dokumente
shumë të rëndësishme, deklaroi përfaqësuesi i kompanisë.

Udhëtari
thirri në kompaninë e taksive, pasi që e kuptoi se kishte humbur
çantën.

Vozitësi Doan Tan Ksiyan, 23-vjeçar, e ktheu çantën të
pahapur.

Kompania dhe udhëtari falënderues e shpërblyen me 100
dollarë, raporton agjencia AP, duke shtuar se në Vietnam paga mesatare
është rreth 80 dollarë.