Londër, 7 korrik - Këngëtari britanik Prince ka thënë se urren kur i sheh këngët e tij që postohen në internet. Në një intervistë të gjatë për tabloidin birman është shprehur se nuk është kundër teknologjisë. “Interneti për mua është i mbaruar. Nuk e kuptoj se pse këngëtarët japin këngët e tyre që t’i shesin përmes internetit. Unë kurrë nuk do të blej një CD të cilën nuk mund ta prek”, është shprehur Prince, duke thënë se ai, përpos internetit, ka filluar të shkëpusë çfarëdo kontakti edhe me teknologjinë. Mirëpo, ai ka shkuar edhe tutje duke thënë se nuk mund ta durojë edhe teknologjinë të cilën po e përdorin televizionet e muzikës. “Teknologjia dhe televizionet e muzikës janë bërë gati një dhe nuk arrij të kuptoj se për çfarë qëllimi ekziston muzika. Tashti interneti dhe MTV-ja janë një. Kjo është e tmerrshme”, ka përfunduar Prince, i cili është duke e menduar idenë që në formë të protestës ndaj internetit, albumin e tij të fundit ta shpërndajë falas përmes gazetave dhe revistave.