Los Angeles, 8 korrik - Pop princesha e famshme botërore Britney Spears në një intervistë për revistën “Cosmopolitan”, ka thënë se ajo kurrë nuk do të dëshironte që dy djemt e saj të mirren me profesionin që posedon këngëtarja apo në përgjithësi me show biznes.

“Nuk do të doja që fëmijët e mi të kalojnë rininë e tyre me adrenalinën e spektakleve apo në dritën e reflektorëve, siç e kam kaluar rininë unë vet”, është shprehur këngëtarja Spears. Mirëpo këngëtarja e ka pranuar se ajo është e vetëdijshme se dy djemtë e saj nuk do ta kenë një rini të zakonshme apo ajo e di se të dy djemtë do të jenë çdo herë në qendër të vëmendjes për shkak të famës që ka Spears.

Ndoshta Britney ka frikë nga fama e tepërt për dy djemtë e saj, për shkak të famës që ajo ka poseduar në moshë shumë të re, dështimet e saja në dashuri, depresioni pas lidhjeve të dështuara, mundimi për të marrë përsëri kujdestarinë ndaj dy djemve të saj, si dhe shtrimet nëpër spitale.

Sipas kësaj interviste të këngëtares Britney Spears dhënë revistës “Cosmopolitan”, sot pop princesha jeton një jetë shumë të qetë dhe të lumtur me dy djemtë e saj të cilët njoftoi ajo se janë duke e kryer një kurs të karatesë, ndërsa ajo është tejet e lumtur që shumicën e kohës po e kalon me ta në shtëpi.