Londër, 9 korrik – Një britanike është arrestuar dhe është ndaluar në një stacion policor për pesë orë, pasi që refuzoi të kthejë një top kriketi, për të cilin pretendoi se ia ka dëmtuar veturën.

Lorretta Cole tha se ajo dëshiroi t’i jap mësim djalit të fqinjit, pasi që sipas saj topi vazhdimisht binte në oborrin e saj, dhe madje i dëmtonte veturën.

Ajo refuzoi ta kthejë topin, kur e kërkoi babai i fëmijës, njofton “Telegraph”.

Pastaj, Cole u vizituar tre herë nga policia, të cilët u përpoqën ta bindin për kthimin e topit.

Pasi u paralajmëroi se mund të arrestohet për vjedhje, policia caktoi një ditë për ta intervistuar dhe e arrestoi në stacionin policor. Aty u mbajt për pesë orë, ku u mor në pyetje, u fotografua dhe iu morën shenjat e gishtërinjve.