Londër, 12 korrik – Këngëtarja Cheryl Cole ishte vetëm orë nga vdekja për shkak të malaries, që e mori gjatë vizitës në Tanzani. Këngëtarja e njohur vazhdon të qëndrojë në spital dhe shpesh e humb vetëdijen.

Britanikja është pranuar në spital javën e kaluar, pasi që e ka humbur vetëdijen gjatë një xhirimi. Atje është diagnostifikuar me formën më të rëndë të malaries, dhe që atëherë lufton me këtë sëmundje, të marrë në Tanzani, ku shkoi në pushim në shoqëri të Derek Hough, transmetojnë mediet britanike.

Shumë shpejt mjekët e kuptuan se gjendja e saj ishte më e rëndë se sa mendonin, ndërsa një burim i zbuloi medieve se gjendja e saj ishte aq e rëndë sa për pak i shpëtoi vdekjes.
“Ishte në gjendje aq të vështirë sa vetëm orët e ndanin nga vdekja. Për fat u diagnostifikua me kohë. Akoma nuk mund të flasë dhe shpesh e humb vetëdijen”, zbuloi burimi.