Medina Mikë/e i/e Forum-it
Numri i postimeve : 17104 Data regjis. : 12/11/2009 Age : 34 Location : Tek Parajsa Pa Drita
| Titulli: Per xhelozi vret gruan dhe te bijen me pistolete Tue Jul 27, 2010 12:20 am | |
| [You must be registered and logged in to see this link.] Një krim i dyfishtë brenda familjes ka tronditur Rrethin e Shkodrës. Një grua 40-vjeçare dhe e bija 17 vjeçe janë qëlluar për vdekje në shtëpinë e tyre, ndërkohë që nga hetimet e para ka rezultuar se autor i ngjarjes është Pjetër Pjolli, babai dhe bashkëshorti i viktimave. Ngjarja e rëndë dyshohet se ka pasur si motiv xhelozinë, ndërsa është njoftuar nga vetë autori. Vrasja e dyfishtëNgjarja në fjalë ka ndodhur rreth orës 04:30 të mëngjesit të djeshëm në fshatin Samrish i Ri të Komunës Dajç, në Shkodër. Burime nga policia lokale bëjnë të ditur se Pjetër Pjolli, 48 vjeç, ka qëlluar me armë zjarri në drejtim të bashkëshortes së tij, Nine Pjolli, 40 vjeçe dhe ndaj vajzës së tij, Kristina Pjolli, 17 vjeçe, duke u shkaktuar vdekjen e menjëhershme. Burime nga policia lokale bëjnë të ditur për “Shqip” se ngjarja në fillim ka nisur nga një debat i rëndë mes autorit dhe gruas së tij. Pjetër Pjolli sapo është ngritur nga gjumi, ka nisur të debatojë me bashkëshorten, 40-vjeçaren Nine Pjolli. Konflikti mes tyre është acaruar së tepërmi, aq sa ka ngritur nga gjumi dhe vajzën e tyre 17-vjeçare, Kristina. Kjo e fundit është munduar të shuajë konfliktin mes prindërve, që kohët e fundit grindeshin shpesh. Por situata ka precipituar për keq, kur në grindje e sipër i zoti i shtëpisë ka rrëmbyer një pistoletë dhe ka qëlluar mbi të shoqen me disa plumba, por njëri prej tyre ka prekur edhe të bijën 17-vjeçare. Nënë e bijë kanë rënë në mes të dhomës, të mbuluara nga gjaku. Autori i ngjarjes ka telefonuar sallën operative të policisë së Shkodrës, ku ka rrëfyer krimin e kryer dhe u ka kërkuar uniformave blu të shkojnë për ta arrestuar. Menjëherë drejt vendit të ngjarjes janë nisur forca të shumta policie, të cilat kanë gjetur autorin në derën e jashtme të shtëpisë duke pirë cigare. Sapo ka parë policinë, ai është dorëzuar dhe nuk ka shfaqur kurrfarë rezistence. Ndërkohë që autori është shoqëruar për në polici, brenda në dhomën e gjumit të çiftit Pjolli janë gjetur trupat e pajetë të nënë e bijë të mbuluara nga gjaku dhe pa shenja jete. Dërgimi në spital ka qenë i kotë për viktimat, pasi sipas policisë ato kanë ndërruar jetë vetëm pak minuta pas ngjarjes. Në të njëjtën kohë policia në vendin e ngjarjes ka sekuestruar në cilësinë e provës materiale armën e krimit, një tip pistoletë që autori mbante pa leje, si dhe 7 gëzhoja pistolete. Ndërkohë, autori i ngjarjes, 48-vjeçari Pjetër Pjolli, ka deklaruar për agjentët e Antikrimit se e kishte kryer krimin për arsye xhelozie. Ai është shprehur se prej disa kohësh po kalonte një gjendje të rëndë depresive dhe se ishte xheloz për gruan, dyshonte se ajo kishte një lidhje jashtëmartesore. Ndërsa për të bijën ai ka deklaruar se e ka qëlluar gabimisht, pasi ajo kishte ndërhyrë për të shuar konfliktin mes prindërve. |
|