Këngëtarja Arta Bajrami, e cila së fundmi ka lansuar në treg videoklipin e këngës “Nëse ty”, ka konfirmuar se ajo është duke pritur fëmijën e parë.
“Është një ndjenje krejt ndryshe interesante dhe shume e mirë.
Kam refuzuar të gjitha ofertat që më janë bërë për të kënduar gjate këtij sezoni, sepse dëshiroj të jem sa më e qetë dhe të përkujdesem vetëm për vetën dhe për foshnjën që do të vijë në jetë.
Unë kam qenë në gjermani ku edhe kam ardhur për të realizuar klipin, do të qëndroj edhe për pak kohë, pastaj do të kthehem serish në Gjermani ku edhe do të bëj lindjen e fëmijës në ndonjë klinikë gjermane”, ka thënë Arta për të përditshmen Zëri.
Ndërkohë, këngëtarja ka refuzuar që ta zbulojë gjininë e fëmijës që pret.