“Rikuperimi”, është albumi më i ir i reperit amerikan Eminem, që patjetër s enuk do të mund të kishte një titull më të përshtatshëm për biznesin e muzikës që po përballet me një rënie alarmuese të shitjeve këtë vit.
Albumi i shtatë i yllit të Detroitit ka nisur shitjet gajtë këtij muaji, pasi titujt e këngëve të tij u publikuan të paautorizuara në internet.
Kjo vjen një javë pas debutimit të artistit kanadez Drake me albumin “Thank Me Later” i cili gjithashtu pritet të triumfojë në tregun muzikor.
Megjithatë dyshja nuk ka shumë shanse për të ngritur hijen e rëndë, që ka rënë mbi industrinë e muzikës, ku shitjet fizike dhe dixhitale të albumeve kishin rënë me 11 për qind në qershor në 130.6 milionë dollarë, duke zgjatur më tej dekadën e rënies.
Për të përkeqësuar gjërat, shtimi i kohëve të fundit i turneve, i cili po shfrytëzohet nga artistët me rënien e shitjeve të dyqaneve, gjithashtu po tregon shenja dobësie nga çmimet e larta të biletave dhe pasigurinë ekonomike.
Shifrat zyrtare të tregut amerikan të mesvitit tregojnë sa të vështira janë kushtet për kompanitë muzikore, të cilat fajësojnë shpërndarjen ilegale të muzikës për fatkeqësinë e tyre.
Analistët fajësojnë për shifrën e dobët prezantimet jo tërheqëse të asaj jave të veçantë, dhe albumi i Drake parashikohet të ketë një nga hapjet më të fuqishme të vitit, i ndjekur ngushtë nga ai i Eminem.
Megjithëse kompanitë e mëdha dhe ato të pavarura po e besojnë të ardhmen e tyre tek shitjet dixhitale, ato përsëri nuk mund të braktisin shitjet fizike të CD-ve, të cilat përbëjnë 70 për qind të të ardhurave në rajon.
Në terma afatshkurtër, të gjithë sytë do të jenë mbi albumin e Eminem, një nga artistët më të shitur në botë në dekadën e fundit.