Moskë, 20 korrik – Pushuesit rusë, të cilët javën e kaluar po pushonin në plazh mbetën të shokuar kur në qiellin mbi detin Azov panë një gomar që po lëshohej me parashutë, njoftoi policia.

Në pamjet e televizionit rus shihej gomari, i cili po lëshohej, ndërsa era e mbante mbi plazh në fshatin Golubitskaja, në rajonin Krasnodar.

Sipas zëdhënëses së policisë rajonale, Larisa Tuchkova, gomari u gjend në qiell pas një fushate reklamuese, me të cilën disa biznesmenë rusë përpiqeshin të tërhiqnin turistët në plazhet e tyre.

Skena e pazakonshme ka tërhequr vëmendjen e policisë, e cila ka filluar hetimin e rasit.