Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Si te kemi nje gjume te rehatshem Wed Aug 18, 2010 6:00 am | |
|  Keni vështirësi me të fjeturin? Harrojini gjithë këshillat që keni dëgjuar deri më tani dhe përqendrohuni te gjërat natyrore, si një shëtitje e gjatë para fjetjes dhe më pas pak para gjumit një banjo e nxehtë.
Gjumi është një nga momentet më të rëndësishme të jetës, edhe pse është një moment që e kalojmë të pavetëdijshëm dhe na duket sikur nuk ka ekzistuar kurrë. Shkencëtarët ka kohë që janë përqendruar në punën e zbulimit të mistereve të tij, të gjithë reaksioneve dhe proceseve që ndodhin gjatë orëve të tij, por është shumë e vështirë t’i posedosh këto mistere. Por shpesh gjumi që në fakt shërben për të na qetësuar, shndërrohet në makthin tonë më të madh dhe ne përpiqemi me mënyra nga më të ndryshmet që ta “ndjellim” kur na ikën, apo e kemi të shqetësuar. Kjo ka të bëjë me atë që quhet higjiena e gjumit, e cila nis që me mënyrën se si flemë, higjienën personale dhe të vendit ku flemë, e deri tek ajo e dhomës dhe e dritareve të hapura apo çështjeve të tjera që ndihmojnë në një gjumë të mirë. Në fakt, me higjienë nënkuptohen edhe gjëra të tjera, si shmangia e pijeve të forta dhe kafesë para orëve të gjumit, apo ajo e filmave që mund të kenë ngarkesë të madhe emocionale. Por në fakt gjithë ky “arsenal” veprimesh që përbëjnë atë që e quajmë “higjiena e gjumit”, janë shumë pak me vlerë kur bëhet fjalë për ndihmën reale që i duhet dhënë një gjumi të mirë.
Megjithatë, shkencëtarët kanë zbuluar se në fakt disa aktivitete fizike që mund të bëhen në kohën e duhur dhe në kohëzgjatjen e duhur janë shumë më të dobishme se të gjitha këshillat e tjera. Shumëkush mendon se po të punosh fizikisht dhe të bësh shumë ushtrime fizike, arrin që të kesh një gjumë të shëndetshëm dhe relaksues. Por edhe pse një lodhje e madhe fizike para gjumit mund të na sjellë një gjumë të thellë, ai nuk është kurrë një gjumë relaksues dhe përtëritës. Arsyeja se përse është rekomanduar puna, është se krijimi i nxehtësisë në trup është i domosdoshëm për ta ndjellë gjumin, por nga ana tjetër një lodhje e madhe fizike mund të të sjellë gjumin, por jo çlodhjen.
Për të pasur efektin e ngrohjes së trupit, por dhe atë të relaksimit të tij përmes gjumit, ka edhe mënyra të tjera më të efektshme, siç është për shembull kryerja e një banjoje me ujë të nxehtë që ngroh trupin dhe përmes tij edhe trurin. Kjo çon në një ndjellje të gjumit dhe mbi të gjitha në një relaksim të trupit dhe të mendjes, që është pikërisht edhe funksioni primar i gjumit. Por shumë e rëndësishme është edhe lëvizja kur nuk është e sforcuar, ndaj rekomandohet që një individ menjëherë para gjumit të kryejë shëtitje relaksuese që venë në lëvizje muskulaturën. I rëndësishëm është edhe vendi ku kryhen këto shëtitje, pra vendet me gjelbërim dhe ajër të pastër, që krijojnë një situatë të favorshme. Për sa u përket filmave, është e këshillueshme që nëse duam të flemë rehat, ata që kanë përmbajtje emocionale të lartë t’i shohim gjatë ditës, sepse nëse do t’i shohim para gjumit, truri do ta ketë të vështirë të qetësohet dhe të ndihet mirë.
Veçanërisht e rëndësishme kjo është për fëmijët të cilët kategorikisht nuk duhet të lihen para ekranit në orët para gjumit. Madje për këta të fundit është e këshillueshme gjithmonë banjoja me ujë të nxehtë dhe kalimi i orës para gjumit në qetësi dhe paqe. Ajo që është me të vërtetë interesante është fakti që njerëzit që kanë një gjumë të shëndetshëm, kanë edhe një aftësi thithëse dhe gjykuese më të mirë gjatë ditës. Një nga avantazhet më të mëdha është edhe kalimi i një kohe sa më të gjatë në ambiente të hapura, në ajër të pastër. Me pak fjalë, hiqni dorë nga ilaçet dhe sforcimet trupore nëse doni të pushoni dhe pse jo të shihni edhe ëndrra të bukura dhe aplikoni banjot e ngrohta e shëtitjet në ajër të pastër. Trupi nuk mund të gjejë kurrë ekuilibrin natyral nëse do të bombardohet me nxitës e ilaçe për të cilat nuk ka nevojë. Ai do të funksionojë vetëm nëse do të gjejmë balancën dhe ekuilibrin me natyrën, që në të gjitha rastet është “ilaçi” më i mirë.
|
|
Shaban Cakolli
Forum Legend
Numri i postimeve : 6018
Data regjis. : 14/08/2010
| | Titulli: Re: Si te kemi nje gjume te rehatshem Wed Aug 18, 2010 6:23 am | |
| ndodh edhe kjo,lum ai qe flen rehat,mua diqka me ka humbur gjumi i teri |
|
Blina
Mikë/e i/e Forum-it
Numri i postimeve : 683
Data regjis. : 26/11/2010
Location : Happy .
| | Titulli: Re: Si te kemi nje gjume te rehatshem Sun Dec 05, 2010 6:10 am | |
| Edhe mue Shaban'Oo me ka Humbur gjumi kohen e fundit , ishalla s'me eshte bere Narkolepsia   |
|
Sponsored content
| | Titulli: Re: Si te kemi nje gjume te rehatshem | |
| |
|
