Mbreti i Katarit, Abdullah bin Khalifa dhe kryeministri, Hamad bin Jasim, i ka kanë bërë të ditur kryeministrit të Republikës së Kosovës, Hashim Thaçi, se vendi i tyre shumë shpejt do të njeh Kosovën, njofton Kosovapress.

Kjo i është bërë e ditur të hënën, gjatë takimeve që kryeministri Thaçi ka zhvilluar në Katar me krerët më të lartë të shtetit të Gjirit Persik. Sipas tyre njohja do të bëhet pas plotësimit të disa procedurave formale.

Vizita e kryeministrit Thaçi në Katar zhvillohet para mbajtjes së mbledhjes së Asamblesë së Përgjithshme të OKB-së, ku do të shqyrtohet rezoluta e Serbisë për Kosovën.

Kryeministri Thaçi nga Katari do të udhëtojë për në Nju Jork, ku gjinden edhe presidenti i Kosovës, Fatmir Sejdiu dhe ministri i Punëve të Jashtme, Skënder Hyseni.