Svilajnac, 2 tetor –
Presidenti i Serbisë, Boris Tadiq, ka thënë se bisedimet e paralajmëruara ndërmjet Prishtinës dhe Beogradit duhet të zhvillohen për të gjitha çështjet e hapura në nivel ekspertësh, për të marrë më vonë konfirmimin politik.

Gjatë një takimi të shtunën të zyrtarëve të Partisë Demokratike Serbe në Svilanc, Tadiq ka thënë se nuk mund të precizojë se cilat janë temat e jetës për të cilat duhet zhvilluar bisedimet.

Duke folur rreth bisedimeve të paralajmëruara edhe me rezolutën e Asamblesë së Përgjithshme të Kombeve të Bashkuara, presidenti serb ka thënë se bisedimet me Prishtinën do të zhvillohen në nivel ekspertësh dhe jo para kamerave si delegacione zyrtare, pasi që “këto nuk janë bisedime të dy shteteve, por bisedime të dy palëve”.

Tadiq ka theksuar se për zgjidhjen e problemit të Kosovës nevojitet konsensus nacional, ose të paktën konsensusi i forcave dominuese politike, pasi që vetëm në këtë mënyrë mund të parandalohet konflikti në vend dhe rajon, si dhe destabiliteti politik.

Megjithatë, ai ka shtuar se kompromisi është forca më e madhe, sepse vetëm me kompromis mund të arrihet një zgjidhje afatgjate e problemit, siç e quajti ai, historik të Kosovës.

Ai ka lavdëruar shefin e diplomacisë serbe Vuk Jeremiq për aktivitetet e tija lotuese kundër njohjes së Kosovës, duke përmendur faktin se vetëm Hondurasi ka njohur Kosovën pas mendimit këshillëdhënës të Gjykatës Ndërkombëtare të Hagës.

“Qëllimi ynë nuk është vetëm të parandalojmë njohjet e reja, por edhe të gjejmë kompromisin dhe zgjidhjen e qëndrueshme”, ka theksuar Tadiq.

me shkie nuk duhet te bisedohet fare,ata njehere duhet te na njohin pavaresine,tani te kerkojne bisedime,po bisedat po ua ofrojne shkurtpamesit.Shkijet kan per te na mashtruar,sikur gjithnje qe na kan mashtruar.