Ish banori i shtepise se famshme ''Big Brother Albania 3'' , Seldi Qalliu, pas nje sere koncertesh jashte vendit, është kthyer në shtëpinë e tij në Tiranë dhe ka vendosur të bëjë një jetë ndryshe larg syve të njerëzve.

Ai tani kohën e kalon vetëm në studio, ku po përgatitet për të goditur në tregun muzikor me një hit, ku fabula e këngës do të bazohet në zhurmën mediatike pas deklaratës së Domenikës në media.

Seldi në një intervistë për “Panorama Plus”, ka treguar planet për të dominuar në muzikë dhe kengen e re qe ai beson se do te behet hit:
''Jam duke punuar për një këngë ku të flitet për gjithçka që ndodhi dhe që u lakua aq gjatë në faqet e gazetave. Jam duke punuar për një këngë të fuqishme dhe të vërtetë dhe për këtë më duhet të studioj disa variante. E kam punuar tre herë deri tani, thjesht për faktin se kësaj here dua të jap një kolpo të madhe me muzikën time".

Me tej, ai ka pranuar se nuk e ka harruar Domeniken, pavaresisht gjithe asaj qe ka ndodhur:
''Jo, absolutisht nuk e kam harruar. S’do tregohesha i sinqertë të thoja që e kam harruar. Pavarësisht gjithçkaje që ndodhi mes nesh, dhe çfarë ajo bëri kundër meje, unë them se nuk e kam harruar''.