Përfaqësuesi Special i Bashkimit Evropian në Kosovë, Pieter Feith ka uruar u.d presidentin Jakup Krasniqi, për menaxhimin e mirë të situatës së krijuar dhe i ofroi mbështetjen e palëkundshme të ICO-së. ...



Gjatë takimit, u.d i presidentit, Krasniqi dhe Feith biseduan rreth shpërbërjes së Kuvendit të Kosovës dhe për datën potenciale të zgjedhjeve të ardhshme, thuhet në një njoftim të presidencës.

Krasniqi e falënderoi Feith-in për mbështetjen e tij dhe theksoi se do të vazhdojë konsultimet me përfaqësuesit e subjekteve politike dhe me faktorët e tjerë, edhe nga Bashkësia Ndërkombëtare, për caktimin e datës potenciale të zgjedhjeve.

Gjatë bisedës të dy palët u konsultuan rreth çështjeve të privatizimit të PTK-së, obligimet e Komisionit Qendror të Zgjedhjeve dhe rreth mandatit të Krasniqit që do të zgjasë deri më 28 Mars 2010.

Krasniqi dhe Feith u dakorduan që të vijojnë takimet e rregullta gjatë gjithë mandatit që Krasniqi do të ushtrojë funksionin e të parit të vendit.