Javën e kaluar treguam se këngëtarja Edona Llalloshi është fejuar pas katër vite divorc që kishte përjetuar nga martesa e parë, ndërsa detaje të tjera nuk publikuam. Gjatë kësaj jave kemi mësuar se i përzgjedhuri i saj është Gazmend Fejzullahu, një biznesmen nga qyteti i Pejës, me të cilin këngëtarja ka filluar lidhjen e re duke e zyrtarizuar atë dhe me fejesë më datë 18 shtator siç thekson i fejuari i këngëtares. “E kam njohur Edonën përmes shoqërisë, kemi kaluar një vit së bashku e tash, pasi është shtatzënë, kemi vendosur të fejohemi e të martohemi”, tregon ai.

I PËRZGJEDHURI, BIZNESMEN NGA PEJA
Gazmend Fejzullahu quhet i fejuari i këngëtares Edona Llalloshi, me të cilin ka disa muaj që ka filluar lidhjen edhe pse njihen shumë më herët. Gazmendi, 34-vjeçar nga qyteti i Pejës, është biznesmen, ndërsa veprimtarinë e realizon po në këtë qytet.

FEJESA MË 18 SHTATOR
Ka kohë që jeta private e këngëtares nuk ka qenë pjesë e mediave të shkruara që nga divorci i lidhjes së parë. Ndërkohë, kureshtja e madhe e fansave po shuhet këto ditë kur dhe po zbulohen detaje të reja nga privatësia e Edonës që dhe vetë në fakt ka dashur t’i bëjë publike. Siç tregon Gazmendi, fejesa është realizuar më 18 shtator, ndërsa ka zgjedhur pikërisht ditën kur është martuar vajza e Sinan Vllasaliut, derisa në ceremoni kanë qenë të pranishëm shumë fytyra publike nga të gjitha sferat kur Edona ka prezentuar të fejuarin e saj të ri, Gazmendin, e shoqëruar gjithashtu edhe nga nëna dhe motrat e saj.

SHTATZANIA e DETYRON TË ZBULOJë LIDHJEN E RE

Nga ajo që po shihet, tash e sa vite Edona qëndron fuqishëm në skenën muzikore, por nga fotot të cilat i ka prezantuar së fundi, bashkë me fotot e ceremonisë që treguam më lart, këngëtarja shihet shumë e rinuar. Si duket, për 31-vjeçaren po fryn një erë e re, pasi lumturia rikthehet në jetën e saj. Para tre muajve, Edona ka publikuar një video të re të titulluar “Romanca” e cila siç thuhet përshkruan lidhjen e re të cilën e kishte filluar para një viti. Këto ditë ajo po shijon jetën më së miri pasi së shpejti pritet që të bëhet nënë nga lidhja me biznesmenin pejan. “Datën e martesës nuk e kemi vendosur akoma po së shpejti besoj, sepse po e presim të vijë në jetë bebushja”, thekson për fund Gazmend Fejzullahu, i fejuari i këngëtares Edona Llalloshi.