Pas shumë përgatitjeve nga dita e sotme ka filluar viti i parë akademik në Universitetin e Prizrenit, me ç’rast në ceremoninë e hapjes përveç studentëve dhe profesorëve kanë marr pjesë edhe mijëra qytetarë dhe drejtues të institucioneve. Kryeministri Hashim Thaçi ka thënë se ky universitet do të jetë model për rajonin dhe do të nxjerr gjenerata që do të kenë rolin e ndryshimeve pozitive për të ardhmen e Kosovës.

Duke shprehur përkrahjen e tij për Universitetin e Prizrenit, kryeministri ka vënë në dukje se në këtë institucion të arsimit të lartë do të ketë vend jo vetëm për të rinj nga rajoni i Prizrenit, por nga të gjitha viset shqiptare.

“Universiteti i Prizrenit do të jetë model për rajonin dhe nga këtu do të dalin gjenerata që do të kenë rolin e ndryshimeve pozitive për të ardhmen. Këtu do të ketë vend për rininë e gjithë trojeve shqiptare”, ka thënë ai, duke përmednuar me rend qytetet dhe rajonet shqiptare.

Ndërkaq rektori i Universitetit të Prizrenit, Ronald Moench fillimin të vitit akademik e ka quajtur di ditë me rëndësi të madhe si për Prizrenit, ashtu edhe për tërë rajonin.

“Sot është një ditë e madhe për universitetin e ri, universitet ky që ka një rrëndësi të veçantë për Prizrenin dhe rajonin. Sot nuk është politika në qendër të vëmendje, por jeni ju studentë të Universitetit të Prizrenit që do të vijoni ligjëratat këtu”, ka thënë ai.

Nga një fjalë rasti kanë mbajtur edhe ministri i Arsimit, Shkencës dhe Teknologjisë, Enver Hoxhaj dhe kryetari i komunës së Prizrenit, Ramadan Muja.

Me rastin e hapjes së vitit të parë akademik në, rektori Moench ka dhënë edhe gjashtë indeksat e parë për të 6 drejtimet që ka Universiteti i Prizrenit.

Në përbërje të Universitetit të Prizrenit, do të jenë Fakulteti Juridik, Ekonomik, i Edukimit, i Filologjisë, Fakulteti Filozofik dhe me mundësi që në të ardhmen të themelohet edhe Fakulteti i Kulturës Fizike dhe ai i Arteve./L.Gashi/