Washington, 16 tetor – Departamenti amerikan i Shtetit ka deklaruar sot se pavarësisht nga shpallja e zgjedhjeve të parakohshme në Kosovës, është me rëndësi që të nisë dialogu që ndihmon ndërtimin e raporteve ndërmjet Beogradit dhe Prishtinës në të ardhmen.

“Sekretarja e Shtetit, Hillary Clinton sapo është kthyer nga Beogradi e Prishtina dhe një nga porositë e saj kryesore qeverive dhe popujve të Serbisë e Kosovës është se këto dy vende në të ardhmen do të kenë marrëdhënie, do të jetojnë në të njëjtën fqinjësi, njëri panë tjetrit”, ka deklaruar zëdhënësi i Departamentit të Shtetit, Philip Cowley në një konferencë për shtyp.

Crowley ka shtuar se është “me rëndësi që Kosova të përparojë edhe më tutje si demokraci dhe me rëndësi për Kosovën e Serbinë është që të kenë marrëdhënie adekuate”.
“Këto dy gjëra nuk e përjashtojnë njëra-tjetrën”, ka shtuar ai.