Prishtinë, 19 tetor - Partia Demokratike e Kosovës është ende në kërkim të formulës për të zgjidhur dhe tejkaluar krizën, e cila ka përfshirë vendin pas dorëheqjes së presidentit, Fatmir Sejdiu, dhe shkëputjes së koaliciont qeverisës nga LDK-ja. Këtë e ka thënë zëdhënësi i kësaj partie, Blerand Stavileci, në një konferencë për media.
Staivileci, ka deklaruar se zgjidhja institucionale dhe kushtetuese u përket krerëve institucionalë të vendit. Sipas tij, do të ishte mirë që të arrihet një konsensus sa më i madh në mes të faktorëve vendorë dhe atyre ndërkombëtarë, por gjithnjë duke respektuar Kushtetutën.
Stavileci nuk ka dashur që të komentojë nëse Partia Demokratike e Kosovës është për zgjedhje të jashtëzakonshme. Stavileci, ka bërë të ditur se PDK-ja po bën përgatitjet e duhura për kuvendin e ardhshëm zgjedhor, i cili është paralajmëruar për 24 të këtij muaji.