Mitrovicë, 22 tetor - Strukturat paralele në pjesën veriore të Mitrovicës kanë formuar të ashtuqujturen qeveri komunale për veriun e Mitrovicës pas rënies së saj një ditë më parë. Partia e presidentit të Serbis, Tadiq, ka pësuar disfatë, ndërsa në skenë janë kthyer radikalët e Nikoliqit dhe të Koshtunicës. Kryetar i ri i të ashtuquajturës komunë e Mitrovicës veriore është zgjedhur Kërstimir Pantiq nga PPS-ja, ndërsa kryesues i
Kuvendit Komunal Aleksandar Babincev nga PDS-ja. Në veri të Mitrovicës nga dita e djeshme në pushtet është koalicioni Partia Demokratike Serbe (PDS) dhe Partia Përparimtare Serbe (PPS). Marko Jakshiq, nga PDS-ja, ka deklaruar për mediat serbe në veri të Mitrovicës, ndryshimi i pushtetit ka ndodhur për shkak të tërheqjes së dy këshilltarëve të PSDS-së të Rasim Lajiqit nga koalicioni qeverisës.
Pas zgjedhjeve lokale, të mbajtura në maj të vitit 2010, që i kishte organizuar Beogradi, dhe pas bisedimeve të gjata atëherë, qeverinë lokale në veri të Mitrovicës e formuan PDS, PSS, G17 Plus, Iniciativa Qytetare dhe PSDS. Kjo qeveri lokale, praktikisht nuk ka qenë asnjëherë e konstituuar në kapacitete të plota, për shkak se partnerët e koalicionit nuk ishin pajtuar rreth zgjidhjeve kadrovike që kishin të bënin me disa poste në komunë.