Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Jonida Maliqi zgjidhet prezantuese e festivalit Sat Nov 13, 2010 9:15 am | |
|  Fakti që tashmë këngëtarët provojnë prezantimin, është kthyer në një traditë për Festivalin e Këngës në Radio-Televizionin Publik Shqiptar. Pas Alban Skënderaj dhe Miriam Canit, çiftit të njohur të dy si këngëtarë, kësaj here prezantimi i është besuar këngëtares Jonida Maliqi. Edhe pse burimet zyrtare të Radio -Televizionit Publik Shqiptar nuk janë shprehur ende të hapura të japin emrat e prezantuesve, nga burimet tona konfidenciale kemi zbuluar se prezantuese këtë edicion do të jetë pikërisht Jonida Maliqi. Ajo nuk do të ketë një partner të vetëm, siç është praktikuar zakonisht në traditën e këtij festivali, por dy. Ende nuk bëhet të ditur emrat e dy djemve, që do të jenë prezantues bashkë me këngëtaren 28-vjeçare. Detaje të tjera pritet të zbulohen në një konferencë për shtyp të bordit drejtues të Festivalit të 49-të të Këngës në RTSH. Nuk dihet se si do shfaqet Jonida në këtë eksperiencë të re, të provuar më parë nga këngëtarët Pirro Çako, Elsa Lila, Soni Malaj, etj. Përsa u përket këngëtarëve pjesëmarrës, ende nuk është zbuluar asgjë rreth emrave të tyre, pasi dje (të premten) ka qenë afati i fundit i vendosur për pranimin e krijimeve të reja për këtë edicion. Ndërkohë që Jonidës, e cila është një nga këngëtaret që merr pjesë vazhdimisht në festivale si një konkurrente profesionte, kësaj here do t’i duhet mendojë më shumë për elokuencën. Këngëtarja, e cila ka statusin e martuar, së fundi është lakuar më shumë në media për “look-n” e saj të veçantë dhe shijen që ka për modën dhe për t’u shfaqur si një vajzë ekrani mjaft e kuruar. Përsa i përket muzikës, ajo në “Top fest 7” u shfaq në një duet me reperin “Big Basta”, me një këngë me titull “Sot t’i japim fund”. Në daljet e saj skenike ajo shfaqet edhe duke kërcyer, që është dhe një nga kriteret kryesore për të marrë përsipër rolin e prezantueses së Festivalit të Këngës në RTSH. Nuk dihet ende se si është ideuar drejtimi me tre prezantues i festivalit, ndërkohë që Jonida do të ketë dhe pjesën e saj të të kënduarit. Vitin e kaluar pati dilema tek drejtuesit për t’u vendosur përfundimisht se cilët do të ishin prezantuesit. Si përfundim, ata vendosën për Alban Skënderaj dhe Miriam Cani, si një çift intresant në sytë e publikut dhe të pakonsumuar si imazhe televizive në këto pozita, për shkak se ata jetojnë në Gjermani. Tashmë roli i prezantusve në Festivalin e Këngës në Radio- Televizion lakmohet nga të gjithë, edhe për faktin e një interesimi special ndaj festivalit që është bërë shumë i ndjekur vitet e fundit, pasi këngëtari fitues konkurron në Festivalin Evropian. Gjithashtu prezantuesit e festivalit kalojnë një provë të bukur për karrierën e tyre.
|
|
