Adelina Thaqi gjatë një prononcimi për Telegrafi.com thotë se për artistët kosovar nuk është aspak lehtë të mbijetojnë vetëm me anë të muzikës.
“Kur flasim për muzikë, duhet pyesim se për cilën muzikë është fjala se a mund të mbijetosh. Nëse flasim për muzikë me nivel, unë them se nuk është lehtë. Kjo për shkak se kur fillon t’i klasifikosh mbrëmjet dhe nivelin, del një numër i vogël i angazhimeve”, thotë Adelina.
“Por mendoj që nuk është gjë e keqe kjo, sepse kështu mund të ndërrojmë pak a shumë tregun dhe natyrisht tregun e zi, dhe mbrëmjet e tilla që janë të shumta tash, me kohë mbesin për një numër të publikut. Ndërsa, si në gjithë botën që janë të ndara në nivele, dhe do të vijë në shprehje dhe do paguhet shumë më shumë niveli. Por njëherë për njëherë është ashtu kështu”, ka pohuar më tej këngëtarja.
Adelina po ashtu ka folur edhe për atë se sa është e kënaqur me suksesin që ajo ka arritur deri tash. “Tani suksesi s’ka fund, por e rëndësishmja e gjithë punës që bën dhe mundi i saj është se a e ke arritur pak a shumë atë që e ke pasur synim deri diku, ngase nuk është e lehtë. Unë mendoj që kam arritur goxha suksese të mira dhe stabile, që mendoj të më shërbejnë në të ardhmen e punës time. Kjo ka rëndësi shumë”, ka përfunduar Adelina
