Këngëtari kosovar, Valton Krasniqi, ka pesë vite që mban rekordin e transmetimeve në kanalet prestigjoze “VIVA & MTV”. Para disa javësh filloi transmetimi i klipit më të ri “Did you know”.


Valton Krasniqi është ndër të vetmit këngëtarë nga Kosova që deri më tani i trasmetohen klipet në kanalet më prestigjioze, si Viva & Mtv dhe në Topcharts përkrah këngëtarëve të huaj dhe shumë të njohur si Shakira, Lady Gaga, Usher, Pitbull etj. Para pesë viteve kënga e parë e cila filloi trasmetimin në “Viva” ishte kënga me titull “Ngo tash”, e cila ishte komplet në gjuhën shqipe, derisa qëndroi në top 5 videot më të trasmetuara. Me këngën “Mos më provoko”, “Lei Lei” në duet me këngëtarin arab Brahim, Valtoni shpërtheu me suksesin e tij nga Zvicra në tërë Europën dhe deri në vendet arabike. Kënga “Did you know” është realizuar nga Valton Krasniqi Orient produktions dhe teksti nga Dj Ferrini, i cili është një Dj Italian, shumë aktiv në Europë dhe pronar i këtij produksioni (Ferrini records).


Kënga “Did you know” është hedhur në treg në të gjitha rrjetet online në mbarë botën. “Unë, Valton Krasniqi, e ndiej veten shumë të lumtur dhe krenar, se është pëlqyer shumë kënga ime si dhe videoklipi. Për momentin jam duke punuar me një këngë tjetër në gjuhën angleze, e cila do të shfaqet me videoklip nga produksioni Sony bmg”.