Fansat e filmit “Twilight” kanë dalë në masë në natën e parë të shfaqjes së filmit të ri të serisë, “New Moon”, për të ndihmuar atë të thyejë rekordin e box-office.
Vazhdimi i filmit që tregon dashurinë e vampirit ka mbledhur plot 26.27 milionë dollarë gjatë një nate vetëm në SHBA dhe Kanada.

Ky rezultat thyen rekordin e mëhershëm për përfitime brenda një nate të vënë nga “Harry Potter and The Half-Blood Prince”, që kishte mbledhur 22 milionë dollarë.

Prej filmave të tjerë të cilën kanë dominuar që në natën e parë të lëshimit, janë edhe “The Dark Knight” me 18.5 milionë dollarë, “Star Wars: Episode III – Revenge of the Sith” me 16.9 milionë dhe “Transformers: Revenge of the Fallen” me 16 milionë dollarë