Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: LDK-ja është për rritje të pagave 100% Wed Nov 24, 2010 5:30 am | |
|  Lideri i Lidhjes Demokratike të Kosovës, Isa Mustafa, të martën pasdite ka qëndruar në Mitrovicë, ku është takuar me strukturat e degës së këtij subjekti politik, para të cilëve ka theksuar LDK-ja do të qeverisë shumë më mirë sesa qeverisja që ishte dhe nuk do ta ndajë Kosovën në veri dhe jug, por do ta ushtrojë pushtetin në tërë territorin e Kosovës.
“Kemi ardhur këtu që bashkërisht të punojmë dhe më 12 dhjetor LDK-ja të dalë fitimtare. Duhet të votojmë dhe të fitojmë që pastaj të kemi një qeverisje më të mire. Ju garantoj se LDK-ja do të qeverisë shumë më mirë sesa qeverisja e tanishme. Në Mitrovicë pas konsultimeve me kryetarin Ferati kemi arritur në përfundim që për këtë qytet të kemi një program të veçantë si qeveri e Kosovës, sepse në Mitrovicë nuk është punuar dhe nuk është investuar”, theksoi Isa Mustafa, raporton KosovaLive.
“Ne nuk do të premtojmë si kryeministri në shkarkim që t’i rrisim pagat për 50 për qind, por ky vendim do të merret në parlament. Të kuptohemi ne si LDK jemi për rritje të pagave të arsimtarëve, gjykatësve, policëve etj, madje edhe 100 për qind, por ne jemi për atë dhe do të punojmë që edhe buxheti i shtetit të rritet për 100 për qind, të kemi punë efikase në dogana dhe bruto produkti i vendit të rritet po ashtu për 100 për qind”, theksoi Mustafa.
Në fjalimin e tij, i pari i LDK-së vlerësoi se zhvillimi ekonomik i vendit nuk bëhet nga buxheti dhe nuk ka rritje ekonomike vetëm me ndërtimin e rrugëve dhe të shkollave, por duhet të krijohen lehtësira për investitorë të huaj dhe të gjenden donatorët. Ai i siguroi të rinjtë e Mitrovicës se nuk do t’i lë pa arsim superior, duke premtuar hapjen e universiteteve jo për qëllime politike, por që studentëve t’ju jepet dije në mënyrë që ata të inkorporohen në zhvillim dhe në shoqëri.
Mustafa tha se LDK-ja nuk është kundër privatizimit të kompanive të mëdha publike, por privatizimi sipas tij duhet të jetë transparent dhe për privatizimin si të PTK-së dhe KEK-ut duhet të kërkohet mendimi dhe pëlqimi i Parlamentit dhe i popullit. Ai ka nënvizuar se nuk do të pranoj që PTK-ja të shitet për t’i paguar borxhet e Qeverisë në shkarkim dhe autostradën, por shitja e PTK-së duhet të rritë buxhetin e Kosovës.
Në këtë takim foli edhe kryetari i Degës së LDK-së në Mitrovicë, njëherësh kandidat për deputet në Kuvendin e Kosovës, ish-ministri Sadri Ferati.
|
|
