Estrada shqiptare ka shume kengetarë meshkuj, te cilet përveç me muziken qe kultivojne, kane fituar simpatine e publikut, në veçanti femrave, me pamjen e tyre te jashtme.

Suplementi ''Sh2" i gazetes ''Shekulli'' ka perpiluar nje liste me dhjete meshkujt me te pashem apo siç i kane cilesuar ata ''10 kengetaret me seksi shqiptar'',dhe arsyet perse jane te tille.
Lista eshte si ne vazhdim:

1.Shpat Kasapi

Prej vitesh Shpat Kasapi mbahet si një prej meshkujve më seksipil në Shqiperi.
Femrat për të çmenden e meshkujt pavarësisht se nuk duan ta pranojnë, e imitojnë në veshje e stil. Dashur pa dashur ai është shndërruar në imazhin e bukurisë mashkullore.
Duket se statusi i tij vërtetohet më tepër, kur përkrah i qëndron dhe një prej femrave më të bukura të estradës shqiptare, Afërdita Dreshaj.

2. Florian Mamujesi -I talentuari
Pavarësisht se nuk ka pamjen e Shpat Kasapit, Flori arrin t’i bëjë femrat për vete me talentin e tij. Çdo femër dëshiron të ketë në krah një mashkull të suksesshëm, i cili i thur këngë që më pas këndohen e dëgjohen nga të gjithë. Megjithëse po të logjikojmë në atë mënyrë, duke llogaritur hitet e Florit i bie…WOW

3. Alban Skenderaj - Bashkeshorti i ardhshem
Fejesa, nuk e ka ndaluar Albanin të shihet me adhurim nga qindra,mijëra vajza shqiptare, përkundrazi i ka bërë ato ta duan edhe më shumë, falë dedikimit që ai tregon ndaj Miriamit. Përherë i qetë dhe i matur në publik, për shumë vajza ai është imazhi i djalit që ato do të donin t’jua prezantonin prindërve në shtëpi.

4. Noizy - “Djali i keq”
Të gjitha femrat vdesin për “çunat e këqij” e Noizy ka treguar se i përmbush më së miri kushtet. Me trupin e formuar dhe tekste plot lavde ndaj gjinisë femërore, duket se reperi i njohur një pjesë të suksesit duhet t’ia dedikojë pikërisht imazhit të tij.


5.Adrian Gaxha -Kercimtari
Adriani ka treguar javën që shkoi se ka gjetur dashurinë e vërtetë, por vajza mos ia vini re se Adriani ashtu thotë çdo muaj. Djali me sy bojë qielli nga Maqedonia është dhe një prej kërcimtarëve më të mirë të skenës sonë.

6.Genc Prevlukaj - Seriozi
Ndoshta Genci në jetën reale nuk është dhe aq serioz, por në videot dhe prezantimet e fundit me imazhin e tij të ri këtë përshtypje iu ka lënë fansave. Shumica e femrave të pyetura e shikojnë bashkëshortin e ardhshëm, mbi të gjitha SERIOZ në shoqëri dhe në familje.

7. Korab Shaqiri – Trupi
Këtë vit, disa kile më pak e me imazhin e djalit të mirë, kur tregoi muskujt në videon e tij,“Verën e kaluar” Korabi e dinte mjaft mirë se çfarë po bënte… po fitonte me mijëra adhuruese në të tri anët e kufirit.

8. Shpat Deda – Romantiku
Djali me zë të ëmbël dhe këngë të qeta ka fituar zemrat e vajzave me këngët më romantike në treg. Në këto kohë, kur kjo fjalë sa vjen e bëhet më e huaj, ai nuk kishte sesi mos t’i shpëtonte syrit dhe zemrës së seksit femëror.

9. Ledri Vula – Humoristi
Arsyeja e përzgjodhjes se Ledrit te Skillz ka të bëjë jo vetëm me imazhin e tij dhe muskujt që kishte shtuar në videoklipin e fundit, por dhe humorin. Në të gjitha anketat, ajo çka vajzat shqiptare veçojnë të parën tek një mashkull është “të ketë një sens humori, një mashkull që të më bëjë të qesh” .

10. Fugga
Fugga është aq cool saqë Elvana Gjata vendosi të bënte një këngë me të, e nëse Elvana i tha po, kush tjetër do të na kundërshtonte në përzgjedhjen ? Një prej reperëve më të mirë në Kosovë për momentin, ka treguar se përveç muzikës ka dhe stil e të gjithë e dinë sesa e rëndësishme është pamja për një artist.